இயக்குனர் லோகேஷ் கனகராஜ் இயக்கத்தில் நடிகர் விஜய்யின் 67வது படத்தின் பூஜை சென்னை ஏவிஎம் ஸ்டுடியோவில் நடைபெற்றது.
நடிகர் விஜய் தற்போது தெலுங்கு இயக்குனர் வம்சி இயக்கத்தில் வாரிசு படத்தில் நடித்து வருகிறார். இந்த படத்தில் விஜய்க்கு ஜோடியாக ராஷ்மிகா மந்தனா நடிக்கிறார். அதே போல பிரகாஷ் ராஜ், பிரபு, சரத்குமார், ஷ்யாம், யோகி பாபு, ஜெயசுதா, குஷ்பு என பல நட்சத்திரங்கள் இப்படத்தில் நடித்து வருகிறார்கள். விஜய்யின் வழக்கமான ஆக்ஷன் படமாக இல்லாமல் ஃபேமிலி சென்டிமென்ட் படமாக இந்த படம் உருவாகி வருகிறது. 2023 பொங்கல் பண்டிகையை முன்னிட்டு வாரிசு திரைப்படம் வெளியாக உள்ளது.
இந்த படத்தை தொடந்து இயக்குனர் லோகேஷ் கனகராஜ் இயக்கத்தில் விஜய் நடிக்கவுள்ளதாக தகவல்கள் வெளியானது. இதைதொடர்ந்து விஜய் நடிக்கும் 67வது படத்தின் பூஜை சென்னையில் உள்ள ஏவிஎம் ஸ்டுடியோவில் நடைபெற்றது. மேலும் விஜய் 67 பட அறிவிப்பு டீசர் படப்பிடிபிற்காக பிரசாத் லேப்பில் இரண்டு செட்கள் அமைக்கப்பட்டுள்ளதாகவும் கூறப்படுகிறது.
இந்த படம் குறித்த அதிகாரபூர்வ அறிவிப்பை தயாரிப்பு தரப்பில் டிசம்பர் 31ம் தேதி வெளியிடலாம் என தெரிகிறது. விஜய் 67 படம் முழுக்க முழுக்க கேங்ஸ்டர் பின்னணியில் தயாராக உள்ளதால் விஜய் ரசிகர்கள் மிகுந்த மகிழ்ச்சியில் உள்ளனர்.
ஏற்கனவே நடிகர் விஜய் – இயக்குனர் லோகேஷ் கனகராஜ் இயக்கத்தில் வெளியான மாஸ்டர் திரைப்படம் ரசிகர்களிடையே நல்ல வரவேற்பை பெற்றது என்பது குறிப்பிடத்தக்கது.
