புதிய ரக ஐபோன்கள், புதிய வாட்ச்கள் உள்ளிட்டவற்றை ஆப்பிள் நிறுவனம் அறிமுகப்படுத்தியுள்ளது.
அமெரிக்காவின் கலிபோர்னியாவில் ஆப்பிள் நிறுவனத்தின் புதிய ரக ஐபோன் உள்ளிட்ட சாதனங்கள் அறிமுகப்படுத்தப்பட்டுள்ளன. இதில், புதிய ரக ஐபோன்களை சிஇஓ டிம் குக் அறிமுகப்படுத்தி வைத்தார். ஐபோன்-14 ரகத்தின் தொடக்க விலை 79 ஆயிரத்து 900 ரூபாய் என்றும், ஐபோன் 14 பிளஸ்-ன் தொடக்க விலை 89 ஆயிரத்து 900 ரூபாய் எனவும் தெரிவிக்கப்பட்டுள்ளது. மேலும், ஐபோன்-14 புரோ ரகத்தின் தொடக்க விலை ஒரு லட்சத்து 29 ஆயிரத்து 900 ரூபாய் என்றும், ஐபோன் 14 புரோ மேக்ஸ்-ன் தொடக்க விலை ஒரு லட்சத்து 39 ஆயிரத்து 900 ரூபாய் எனவும் குறிப்பிடப்பட்டுள்ளது.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
இந்த புதிய ரக செல்போன்கள் வரும் 16ஆம் தேதி முதல் விற்பனைக்கு வரவுள்ளது என கூறப்பட்டுள்ளது. இதேபொன்று ஆப்பிள் ஸ்மார்ட் வாட்ச்கள் 8 நிறங்களில் அறிமுகப்படுத்தப்பட்டுள்ளன. இந்த ஸ்மார்ட் வாட்ச்கள் வரும் 16-ம் தேதி முதல் சந்தைக்கு வரவுள்ளதாகவும், இதன் விலை 29 ஆயிரத்து 900 ரூபாய் முதல் 45 ஆயிரத்து 900 ரூபாய் வரை இருக்கும் எனவும் அறிவிக்கப்பட்டுள்ளது.
அதேபோல், ஆப்பிள் நிறுவனம் புதிய ஏர்பட்ஸ் சாதனத்தையும் அறிமுகப்படுத்தியுள்ளது. ஆப்பிள் ஏர்பட்ஸ் ப்ரோ-2 என பெயரிடப்பட்டுள்ள இதன் ஆரம்ப விலை 26 ஆயிரத்து 900 ரூபாய் எனத் தெரிவிக்கப்பட்டுள்ளது.
-ம.பவித்ரா