முன்னாள் பிரதமர் டாக்டர் மன்மோகன் சிங்கின் பிறந்தநாளுக்கு காங்கிரஸ் தலைவர் மல்லிகார்ஜூன கார்கே, ராகுல்காந்தி உள்ளிட்டோர் வாழ்த்து தெரிவித்தனர்.
முன்னாள் பிரதமரும், காங்கிரஸ் மூத்த தலைவருமான டாக்டர் மன்மோகன் சிங்கின் 91-வது பிறந்தநாள் இன்று. மன்மோகன் சிங் 26 செப்டம்பர் 1932 அன்று பிரிக்கப்படாத இந்தியாவில் பாகிஸ்தானின் பஞ்சாப் மாகாணத்தில் பிறந்தார். டாக்டர் மன்மோகன் சிங் 2004-2014 வரை UPA அரசில் பிரதமராக இருந்தார்.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
பிரதமராவதற்கு முன், 1991ல் நரசிம்மராவ் அரசில் நிதி அமைச்சராகவும் இருந்தார். சமீபத்தில் நாடாளுமன்றத்தில் சமர்ப்பிக்கப்பட்ட நம்பிக்கையில்லா தீர்மானத்தின் வாக்கெடுப்பின் போது மன்மோகன் சிங் சக்கர நாற்காலியில் இருந்தவாறு வந்து கலந்து கொண்டார்.
டாக்டர் மன்மோகன் சிங் 1991 முதல் இந்திய நாடாளுமன்றத்தின் ராஜ்யசபா உறுப்பினராக இருந்து வருகிறார். அங்கு 1998 முதல் 2004 வரை எதிர்க்கட்சித் தலைவராக இருந்தார். டாக்டர் மன்மோகன் சிங் 2004 பொதுத் தேர்தலைத் தொடர்ந்து மே 22 அன்று பிரதமராகப் பதவியேற்றார் மற்றும் 22 மே 2009 அன்று இரண்டாவது முறையாக பதவியேற்றார். தொடர்ந்து பத்து ஆண்டுகள் பிரதமராக இருந்தார்.
மன்மோகன் சிங்கின் பிறந்தநாளுக்கு வாழ்த்து தெரிவித்த காங்கிரஸ் தலைவர் கார்கே, அரசியலில் எளிமை, கண்ணியம் மற்றும் கருணைக்கு அரிய உதாரணமாக திகழ்பவர் என்று பாராட்டியுள்ளார்.
“ஒரு உண்மையான அரசியல் தலைவர். அவரது வார்த்தைகளை விட அவரது செயல்கள் அதிகம் பேசுகின்றன, தேசத்திற்கு அவர் செய்த மகத்தான பங்களிப்பிற்கு நாங்கள் என்றென்றும் நன்றியுள்ளவர்களாக இருக்கிறோம். அவர் நல்ல ஆரோக்கியம், மகிழ்ச்சி மற்றும் நீண்ட ஆயுளுடன் வாழ வாழ்த்துகிறேன் என்று காங்கிரஸ் தலைவர் குறிப்பிட்டுள்ளார்.
முன்னாள் காங்கிரஸ் தலைவர் ராகுல் காந்தியும் தேசத்தைக் கட்டியெழுப்ப மன்மோகன் சிங்கின் பங்களிப்புகளை குறிப்பிட்டு பாராட்டினார். முன்னாள் பிரதமர் மன்மோகன் சிங்கின் நேர்மை, தேசத்தைக் கட்டியெழுப்புதல் மற்றும் மக்களின் பொருளாதார மேம்பாட்டிற்கான அசைக்க முடியாத அர்ப்பணிப்பு ஆகியவை எனக்கு எப்போதும் உத்வேகமாக இருக்கும்” என்று காந்தி தனது எக்ஸ் பக்கத்தில் பதிவிட்டுள்ளார். அவரது பிறந்தநாளில் அவர் நல்ல ஆரோக்கியத்தையும் மகிழ்ச்சியையும் அடைய விரும்புகிறேன்,” என்று ராகுல் காந்தி கூறியுள்ளார்.
