நடிகர் தனுஷின் பிறந்தநாளை முன்னிட்டு, குபேரா படத்தின் புதிய போஸ்டரை படக்குழு வெளியிட்டுள்ளது.
ராஜ்கிரண், ராதிகா நடிப்பில் வெளியான பவர் பாண்டியை தொடர்ந்து தனுஷ் இயக்கி நடித்த ராயன் திரைப்படம் திரையரங்குகளில் வெளியாகி வெற்றிநடை போட்டு வருகிறது. ராயன் படத்தைத் தொடர்ந்து தனுஷின் 51வதுப் படத்தை சேகர் கம்முலா இயக்கி வருகிறார். இந்த படத்தில் தனுஷுக்கு ஜோடியாக ராஷ்மிகா மந்தனா நடித்து வருகிறார். பான் இந்தியா படமாக உருவாகும் இப்படத்திற்கு ‘குபேரா’ என பெயரிடப்பட்டுள்ளது.
இந்த திரைப்படத்தில் தெலுங்கு திரையுலகின் முன்னணி நடிகர் நாகர்ஜூனா முக்கிய கதாபாத்திரத்தில் நடித்துள்ளார். தேவி ஸ்ரீ பிரசாத் இந்த திரைப்படத்திற்கு இசையமைக்கிறார். சமீபத்தில் இந்த திரைப்படத்தின் டைட்டில் போஸ்டர் வெளியாகி பெரும் வரவேற்பை பெற்றது.
அதைத்தொடர்ந்து நாகர்ஜூனாவின் கேரக்டரின் இண்ட்ரோ வீடியோ வெளியாகியது. தொடர்ந்து ராஷ்மிகாவின் ஃபர்ஸ்ட் லுக் வீடியோவை படக்குழு வெளியிட்டது. படப்பிடிப்பு ஹைதராபாத், மும்பை மற்றும் பல இடங்களில் நடைப்பெற்று வருகிறது. இந்நிலையில் தனுஷின் பிறந்தநாளை முன்னிட்டு படக்குழு புதிய போஸ்டர் படக்குழு ஒன்றை வெளியிட்டுள்ளது.
