மாரி செல்வராஜ் இயக்கத்தில் துருவ் விக்ரம் நடித்துள்ள திரைப்படம் ‘பைசன்’. இப்படத்தில் துருவ் உடன் இணைந்து அனுபமா பரமேஸ்வரன், லால், பசுபதி, ரஜிஷா விஜயன், உள்ளிட்ட பலர் நடித்துள்ளனர். தீபாவளியை முன்னிட்டு கடந்த 17 ஆம் தேதி வெளியான இப்படம் ரசிகர்கள் மத்தியில் நல்ல வரவேற்பை பெற்று வருகிறது. கபடி வீரர் மணத்தி கணேசனின் வாழ்க்கையை அடிப்படையாக கொண்டு உருவான இப்படம் பாராட்டுகளை பெற்று வருகிறது. இப்படத்தை பார்த்த அரசியல் கட்சித் தலைவர்கள், சினிமா பிரபலங்கள் என பலரும் பாராட்டி வருகின்றனர். இந்த நிலையில், இயக்குநர் மணிரத்னம் ‘பைசன்’ படத்தை பார்த்துவிட்ட மாரி செல்வராஜை பாராட்டியுள்ளார்.
Hi Mari,
Just saw the film. Liked it a lot. You are the Bison. Proud of your work. Keep it going. This voice is important.🦬
– Director Mani Ratnam
பரியேறும்பெருமாளிலிருந்து என் படைப்புகள் அத்தனையையும்… pic.twitter.com/JlHXUaLD3Q— Mari Selvaraj (@mari_selvaraj) October 28, 2025
இதுகுறித்து இயக்குநர் மணிரத்னம் கூறியிருப்பதாவது,
“இப்போதுதான் படம் பார்த்தேன் மாரி. மிகவும் பிடித்திருந்தது. நீதான் அந்த பைசன். உன் படைப்பை பார்த்து பெருமைப்படுகிறேன். இதை தொடர்ந்து செய். உன் குரல் முக்கியமானது” என்று தெரிவித்தார். இதனை தனது எக்ஸ் பக்கத்தில் பகிர்ந்த இயக்குநர் மாரி செல்வராஜ், “பரியேறும்பெருமாளிலிருந்து என் படைப்புகள் அத்தனையையும் பார்த்து கவனித்து பாராட்டி என்னை ஊக்கப்படுத்தும் உங்கள் அத்தனை வாத்தைகளுக்கும் என் நன்றியும் பேரன்பும் எப்போதும் சார்” என்று தெரிவித்துள்ளார்.
