நடிகர் விஜய் நடிப்பில் உருவாகியுள்ள மாஸ்டர் திரைப்படத்தின் டீசர் யூடியூப்பில் 5 கோடி பார்வைகளை கடந்து சாதனை படைத்துள்ளது.
நடிகர் விஜய் நடிப்பில் உருவாகியுள்ள திரைப்படம் மாஸ்டர். பொங்கலை முன்னிட்டு வெளிவரும் என எதிர்பார்க்கப்படும் இத்திரைப்படத்தின் டீசர் தீபாவளியையொட்டி நவம்பர் 14ம் தேதியன்று வெளியிடப்பட்டது. வெளியான நாள் முதல் பல்வேறு சாதனைகளை படைத்து வரும் இத்திரைப்படத்தின் டீசர் தற்போது யூடியூப்பில் 5 கோடி பார்வைகளை கடந்துள்ளது. இதன் மூலம் தமிழ் சினிமாவில் குறுகிய நாட்களில் அதிக பார்வைகளை பெற்ற டீசர் என்ற சாதனையை மாஸ்டர் டீசர் படைத்துள்ளது. இதற்கு முன்னர் நடிகர் விஜய்யின் நடிப்பில் உருவான பிகில் திரைப்படத்தின் டீசர் 5 கோடி பார்வைகளை கடந்திருந்தது. நடிகர் அஜித்தின் விஸ்வாசம் ட்ரெய்லர் 3.3 கோடியும், ரஜினியின் பேட்ட ட்ரெய்லர் 2.7 கோடி பார்வைகளையும் பெற்றுள்ளது குறிப்பிடத்தக்கது.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
மாஸ்டர் திரைப்படத்தை லோகேஷ் கனகராஜ் இயக்க அனிருத் இசையமைத்துள்ளார். விஜய் சேதுபதி, மாளவிகா மோகனன், அர்ஜுன் தாஸ், சாந்தனு உள்ளிட்டோர் முக்கிய வேடத்தில் நடித்துள்ளனர்.
