தமிழகம்

தமிழகத்தில் 18 மாவட்டங்களில் அடுத்த 6 மணிநேரத்திற்கு கனமழை பெய்யும்! – வானிலை மையம்

புரெவி புயல் காரணமாக தமிழகத்தில் 18 மாவட்டங்களில் அடுத்த 6 மணிநேரத்திற்கு கனமழை பெய்யும் என வானிலை ஆய்வு மையம் தெரிவித்துள்ளது.

மேலும் ஓரு சில இடங்களில் மிதமான மழைக்கு வாய்ப்பு உள்ளதாக தெரிவிக்கப்பட்டுள்ளது. தென் கிழக்கு வங்கக்கடலில் உருவான புரெவி புயல் இலங்கை திரிகோணமலையில் கரையை கடந்து தமிழகத்தின் பாம்பன் பகுதியை நெருங்கியது. இந்நிலையில், நேற்று மன்னார் வளைகுடா கடல்பகுதியில் புரெவி புயல் வலுவிழந்த நிலையில் ஆழ்ந்த காற்றழுத்த தாழ்வு மண்டலமாக ராமநாதபுரம் கடற்கரை அருகே நிலை கொண்டுள்ளது.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

இந்த புயல் தென்மேற்கு திசையில் நகர்ந்து ஆழ்ந்த காற்றழுத்த தாழ்வு மண்டலமாக ராமநாதபுரம் மற்றும் அதனை ஒட்டியுள்ள தூத்துக்குடி கடற்கரையை இன்னும் சில மணிநேரங்களில் கடக்கக்கூடும் என வானிலை ஆய்வு மையம் தெரிவித்துள்ளது.

அதே சமயம் புயலின் தாக்கத்தால், சென்னை, தூத்துக்குடி, திருநெல்வேலி, கன்னியாகுமரி, தென்காசி, ராமநாதபுரம், சிவகங்கை புதுக்கோட்டை, திருச்சி, தஞ்சை, திருவாரூர், நாகை, காரைக்கால் மயிலாடுதுறை, கடலூர், காஞ்சிபுரம், செங்கல்பட்டு, திருவண்ணாமலை, விழுப்புரம் உள்ளிட்ட மாவட்டங்களில் அடுத்த 6 மணி நேரத்திற்கு மிக கனமழை பெய்யும் என தெரிவிக்கப்பட்டுள்ளது. இதே மாவட்டங்களில் ஓரிரு இடங்களில் அதீத கனமழையும் (20செ.மீ அதிகம்) இருக்கும் எனவும் வானிலை ஆய்வு மையம் தெரிவித்துள்ளது.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

புகைப்பிடிப்பதை விடுவது அவ்வளவு சுலபமா?

Arivazhagan Chinnasamy

தொல்லியல் துறை மாணவர்களுக்கு வேலை வாய்ப்பை அதிகரிக்க மார்க்சிஸ்ட் கோரிக்கை

Halley Karthik

அதிமுக கூட்டணி தமிழகத்திற்கு தீங்கு விளைவிக்கும் – திருமாவளவன் விமர்சனம்

Gayathri Venkatesan

Leave a Reply