உலகம்

ஆப்கான் தலைநகர் காபூலில் கார் குண்டு வெடிப்பு; 8 பேர் பலி, 15 பேர் படுகாயம்!

ஆப்கானிஸ்தான் தலைநகர் காபூலில் பயங்கரவாதிகள் நடத்திய கார் குண்டு வெடிப்பு தாக்குதலில் 8 பேர் உயிரிழந்தனர்.

தெற்காசியாவில் பயங்கரவாத அச்சுறுத்தல்கள் அதிகம் உள்ள நாடுகளில் ஆப்கானிஸ்தானும் ஒன்று. இங்கு தலிபான்கள் மற்றும் ஐஎஸ் பயங்கரவாத அமைப்புகளால் அவ்வப்போது அப்பாவி மக்கள் கொல்லப்பட்டு வருகின்றனர். இதனை அடுத்து பயங்கரவாதிகளை ஒடுக்க ஆப்கானிஸ்தான் ராணுவம் தலிபான் பயங்கரவாதிகளுடன் போரிட்டு வந்தது. சுமார் 10 ஆண்டுகளுக்கும் மேல் நடைபெற்ற போர், அமைதி ஒப்பந்தம் காரணமாக முடிவுக்கு வந்தது. அமெரிக்காவின் மத்தியஸ்தத்தினால் இரு தரப்பினருக்கும் இடையேயான போர் நிறுத்தப்பட்டுள்ளது. ஆனால் அமைதி ஒப்பந்தங்களை மீறியும் அங்கு பயங்கரவாத சம்பவங்கள் அறங்கேறி வருகின்றன.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

இந்நிலையில் அந்நாட்டின் தலைநகர் காபூலில் இன்று காலை பயங்கரவாதிகள் கார் குண்டு வெடிப்பு தாக்குதலை நிகழ்த்தினர். காபூலின் கோஷல் கான் பகுதியில் அரசு அதிகாரிகள் சென்றபோது நடைபெற்ற இந்த குண்டு வெடிப்பில் அருகில் இருந்த பொதுமக்கள், வாகனங்கள், கட்டடங்கள், கடைகள் என அனைத்தும் சேதமடைந்தன. இந்த பயங்கரவாத தாக்குதலில் 8 பேர் சம்பவ இடத்திலேயே உயிரிழந்தனர். மேலும் 15 பேர் படுகாயங்களுடன் மருத்துவமனையில் அனுமதிக்கப்பட்டுள்ளனர். இந்த தாக்குதலுக்கு இதுவரை எந்த பயங்கரவாத அமைப்பும் பொருப்பேற்கவில்லை.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

நாடு கடத்தப்படுவதை எதிர்த்து முறையிட ஜூலியன் அசாஞ்சேவுக்கு அனுமதி

Halley Karthik

4 இந்தியர்கள் உள்பட 22 பேர் பயணித்த நேபாள விமானம் மாயம்

G SaravanaKumar

“மூன்றாவது உலகப்போர் மூளும்” – டொனால்ட் டிரம்ப்

G SaravanaKumar

Leave a Reply